ഹനാന് വജ്രമോതിരം സമ്മാനിക്കുമെന്ന് കെ.ടി. ജലീല്‍

വളാഞ്ചേരി: മീന്‍ വിറ്റ് ഉപജീവനം നടത്തി കേരളത്തില്‍ തരംഗമായി മാറിയ ഹനാന് വജ്രമോതിരം സമ്മാനിക്കുമെന്ന് തദ്ദേശ സ്വയംഭരണവകുപ്പ് മന്ത്രി ഡോ. കെ.ടി. ജലീല്‍.

വളാഞ്ചേരിയിലെ ഒരു ജൂവലറിയില്‍ ഉദ്ഘാടനച്ചടങ്ങിനെത്തിയ മന്ത്രിക്ക് ജൂവലറി മാനേജ്മെന്റ് സമ്മാനിച്ച വജ്രമോതിരമാണ് ഹനാന് സമ്മാനിക്കുമെന്ന് സദസ്സിനെ മുന്‍നിര്‍ത്തി ജലീല്‍ പ്രഖ്യാപിച്ചത്.

‘ഇവര്‍ സന്തോഷത്തോടെ എനിക്ക് സമ്മാനിച്ച ഈ ഉപഹാരം കേരളക്കരയുടെ അഭിമാനമായി മാറിയ ഹനാന് കൊടുക്കാന്‍ ഞാന്‍ തീരുമാനിച്ചുകഴിഞ്ഞു. ഇത് തിങ്കളാഴ്ചതന്നെ ഹനാന്‍ പഠിക്കുന്ന തൊടുപുഴയിലെ അല്‍ അസര്‍ കോളേജിലെത്തി ആ മിടുക്കിക്കുട്ടിക്ക് കൈമാറും’. മന്ത്രിയുടെ പ്രഖ്യാപനം കൈയടിയോടെയാണ് സദസ്സ് ഏറ്റുവാങ്ങിയത്.

Leave a Reply

Your email address will not be published. Required fields are marked *